"Азаттыктын" Прага шаарындагы кеңсесинин кызматкери, "Азаттык+" телепрограммасынын мурунку алып баруучусу. Кыргыз-Орус (Славян) университетин аяктаган.
Ереванда премьер-министр Никол Пашиняндын кызматтан кетишин талап кылган жана Армения менен Азербайжандын ортосундагы чек ара макулдашуусунун долбооруна каршылык билдирген митингдер уланууда.
Грузин депутататтары талаштуу "чет элдик агент" мыйзам долбоорун 14-майда жактырды. Кыргызстандын мурдагы экономика министри Эмил Үмөталиев саясий реформаларды жүргүзүүдө "Грузиядан үлгү алчу нерселер көп экенин" такай айтып келген. Тбилиси кайсы маалда демократиялык багытынан тайды?
Белоусовдун Орусиянын коргоо министри болуп дайындалышы Украинадагы согушка кандай таасирин тийгизет? Путиндин жакын досу деп саналган Шойгунун тагдыры эмне болот?
Нью-Йоркто АКШнын экс-президенти Дональд Трамптын порнографиялык тасмаларга тартылган актрисага 130 миң доллар төлөп бергени боюнча иш каралууда. 7-майда Сторми Дэниэлс күбө катары көрсөтмө берди. Трамп өзү актриса менен жакын болбогонун айткан.
Израил армиясы Рафах өткөрмө бекетинин Газа тарабын өз көзөмөлүнө алганын билдирди. Египет менен анклавдын ортосунда жайгашкан бул бекет аркылуу негизги гуманитардык жардам киргизилип келет.
АКШнын жогорку окуу жайларында Газаны колдогон акциялар уланууда. Демонстрациялар алгач башталган Нью-Йорк шаарындагы Колумбия университетинде бүтүрүү салтанаты быйыл өтпөй турган болду. Бир катар университеттерде акцияга чыккан ондогон студенттерди полиция кармап кетти.
6-майда аялын өлтүрүүгө айыпталган Казакстандын мурдагы экономика министри Куандык Бишимбаев сотто акыркы сөзүн айтты. Ал сот арачыларына кайрылып аны мурдагы аткаминер эмес, карапайым адам катары соттоого чакырды.
Орусиянын армиясы Украинанын чыгышындагы Очеретино шаарчасын өз карамагына алганын 5-майда билдирди. Расмий Киев азырынча бул маалыматты ырастай элек.
Орус армиясынын аба соккусунан 2-майда Украинанын Харьков облусунда сегиз бала жабыркады. Бомба балдар машыгып жаткан спорттук комлекстин жанында жарылып, өрт тутанган.
Кыргызстан басма сөз эркиндигинин дүйнөлүк индексинде былтыркыга салыштырмалуу эки тепкичке көтөрүлүп, 120 орунду ээледи.
Кыргызстанда ТикТок социалдык түйүнүнө тыюу салынгандан көп өтпөй эле АКШда бул тиркемеге каршы мыйзам кабыл алынды. Казакстан соңку учурда калктын калың катмары колдонгон платформаны чектөө планы бардыгын билдирди. Ал эми Евробиримдик ТикТоктун үстүнөн иликтөө баштады.
Грузин парламенти “чет элдик агент” тууралуу мыйзам долбоорун 1-майда экинчи окууда кабыл алды. Оппозиция жана жарандык коом мыйзамга каршылыгын билдирип, эки күндөн бери Тблисиде митингге миңдеген адам чогулуп жатат.
АКШ менен Евробиримдик террордук деп тааныган ХАМАС уюму Газа тилкесиндеги ок атышууну убактылуу токтотуу тууралуу сунушту карап жатканын маалымдады.
Колумбия университетинде башталган студенттердин палестиндерди коргоо акциясы Американын дээрлик бардык жогорку окуу жайларына жайылды.
Куралдуу жаңжалдар күчөгөнү, дүйнө эл аралык укуктун кыйрашына күбө болууда. Эл аралык мунапыс уюму дүйнөдөгү адам укуктарынын абалы тууралуу жылдык баяндамасында ушундай бүтүмгө келген. Жаңы документте 155 өлкөдөгү жана аймактагы, анын ичинен Кыргызстандагы адам укуктарынын абалына баа берилет.
24-апрелдин кечинде АКШнын президенти Жо Байден Украинага кошумча аскердик жардам караган мыйзамга кол койду. Баш кеңсеси Вашингтондо жайгашкан Согушту иликтөө институту билдиргендей, жакынкы күндөрү фронтто айыгышкан кармаштар уланып, украин армиясы айрым тилкелерде артка чегиниши ыктымал.
АКШ менен Еврошаркетте террордук деп таанылган ХАМАС тобунун жогорку расмий өкүлү 1967-жылга чейинки чек ара аймагында палестин мамлекети түзүлсө, топ куралын таштай турганын жарыялады. БУУ Газадагы адам сөөктөрү жапырт көмүлгөн жайлар боюнча иликтөө жүргүзүүгө чакырды.
Нью-Йоркто АКШнын мурдагы президенти Дональд Трамптын порнографиялык тасмаларга тартылган актриса Сторми Дэниелске 130 миң доллар төлөп бергени боюнча иши карала башталды.
Израил Тегерандын буга чейинки чабуулуна жооп катары 19-апрелге караган түнү Ирандын аймагына сокку урганын америкалык маалымат каражаттары жазышты. Ирандын бийлиги үч чакан дрон атып түшүрүлгөнүн гана билдирип, чабуулдун чоо-жайы тууралуу маалымат берген жок.
Дагы жүктөңүз
