"Азаттыктын" Бишкектеги бюросунун кызматкери, журналист. 2015-жылы Жусуп Баласагын атындагы Кыргыз Улуттук университетинин журналистика факультетин аяктаган.
Туунун өзгөрүшүнө каршы чыккан активист Афтандил Жоробековдун камалганына алты ай болду. Учурда сотто анын иши каралбай токтоп турат. Анткени кайра дайындалган лингвистикалык экспертизанын жыйынтыгы чыга элек.
Кыргызстандын Пробациялык көзөмөл департаменти "Украинадагы согушка катышкан" деген айып менен соттолуп, кийин пробация аркылуу бошотулган Аскар Кубанычбек уулунун Орусияга кантип чыгып кеткени боюнча түшүндүрмө бере элек.
“Бүтүн Кыргызстан” партиясынын лидери, жакында эле тергөө абагынан чыккан саясатчы Адахан Мадумаров “Азаттыкка” маек курду. Оппозициялык саясатчы соттун чечими, мандаты, парламенттин ролу жана мамлекеттик бийлик институттары тууралуу суроолорго жооп берди.
26-апрелде Жогорку Кеңештин депутаттары Марлен Маматалиев, Эрулан Көкүлов Финансылык чалгын кызматынын өкүлү, милиция кызматкерлери менен биргеликте Бишкектеги “Кофе и точка” жайларын текшерүүгө барып, аларды жабууну талап кылышты.
2021-жылы президент Садыр Жапаровдун демилгеси менен Балыкчы-Барскоон жолу башталып, үч жылдан кийин ишке берилмек. Долбоор "Кумтөрдөн” каржыланмак. Жолду алгачкы жолу атамекендик компаниялар салмак. 140 чакырымга созулган жол белгиленген мөөнөтүнөн кеминде эки жыл кеч бүтө турганы маалым болду.
Жарым жылдан бери Бишкекте бир нече “Кофе и точка” деген жай иштеп жатат. Сыртынан караган кишиге борбор калаадагы кофеканалардын бириндей эле көрүнөт. Бирок анын туруктуу кардарлары кофе сүйүүчүлөрү эмес, үйүн, унаасын жана болгон байлыгын интернеттеги кумар оюндарына салган адамдар.
Жарым жылдан бери Бишкек боюнча бир нече “Кофе и точка” деген жай иштеп жатат. Сыртынан караган кишиге борбор калаадагы кофеканалардын бириндей эле көрүнөт.
УКМКнын төрагасы Камчыбек Ташиев камактагы экс-бажычы Райымбек Матраимовдон 200 млн доллардай акча алынарын билдирди. Мындан тышкары Камчыбек Көлбаевдин мүлкү боюнча да иш жүрүп атканын билдирди. Ошондой эле саламаттык сактоо министри Алымкадыр Бейшеналиевдин ишине да токтолду.
Бажы кызматынын төрагасынын мурдагы орун басары, эл аралык издөөдө жүргөн Райымбек Матраимов жана анын үч бир тууганы Бакудан жеткирилип, камакка алынды. Кыргыз бийлиги “мафия” деп атаган күрөштүн жыйынтыгы кандай болот?
Бажы кызматынын башчысынын мурдагы орун басары Райымбек Матраимовду Бишкектин Биринчи Май райондук соту бир айга камады. Матраимов Азербайжандын борбору Баку шаарынан кармалып, 26-мартта үч бир тууганы менен чогуу Бишкекке жеткирилди.
Кыргыз бийлиги издөөдө жүргөн мурдагы бажычы Райымбек Матраимовду Бакудан алып келүү боюнча аракеттер жүрүп жатканын билдирди. Буга чейин былтыр өлкөдөн чыгып кеткен Матраимовдун кайда экени белгисиз болуп келген.
Кыргыз бийлиги издөөдө жүргөн экс-бажычы Райымбек Матраимов Бакуда экени аныкталганын билдирди. УКМК Бишкекте азербайжандык кылмыштуу топтун мүчөлөрү кармалып, алардын Матраимов менен байланышы бардыгы, Кыргызстандын жетекчилерине кол салууну пландаганы айтылды. Баку расмий комментарий бере элек.
Баш калаанын жолдорунун көбү бузулуп, шаардагы коопсуздукка коркунуч жаратууда. Соцтармактарда ар жерде оюлуп калган, бузулган жолдордун видеолорун чыгарып, бийликке кайрылгандар арбын. Бишкек мэриясы күн жылыса жолдор толугу менен оңдолорун билдирет.
Сокулукта 13 жаштагы кызды зордуктады деп шектелген эки жаран 48 саатка камалды. Ал эми кыздын жакындары кордук көрсөткөндөрдүн саны 10го жетерин айтып жатат. Алар милиция ушуга чейин чара көрбөй койгонуна, окуя коомчулукка жарыялангандан кийин гана тергөө жанданганына нааразы.
Кара-Балта шаарында күч органдарынын операциясы учурунда качып кеткендер милиция кызматкерлери экенин жергиликтүү басылмалар жазды. Алар качып баратып белги коюлган акчаны көчөгө чачып ийгенин күбөлөр айтып берди. Окуя боюнча расмий маалымат бериле элек.
Жогорку Кеңеш "Чет элдик өкүл” деп таанылган “Коммерциялык эмес уюмдар жөнүндө” мыйзам долбоорун талкуусуз кабыл алынды. Мыйзам күчүнө кирсе бейөкмөт уюмдарга бир топ талаптар катаалданып, жарандык коомго сокку болот деген чочулоо бар. Жарандык коом, эл аралык коомчулук тынчыздануусун билдирүүдө.
Атактуу адабиятчы, сынчы, акын жана илимпоз Салижан Жигитов өлкөнүн коомдук турмушундагы күнүмдүк окуялардан тартып, коомдогу жат көрүнүштөргө чейин дайыма пикирин ачык айтып келген.
8-март – Аялдардын эл аралык күнүнө карата Бишкек шаарында “Аялдын турмушу – замандын күзгүсү” деген ураан астында тилектештик жөө жүрүшү өттү. Анда ондогон активист Уркуя Салиеванын эстелигинин алдына чогулуп, Горький атындагы гүл бакка жөө басып барышты.
Кыргызстандагы энергиянын чордону саналган "Токтогул" суу сактагычындагы суунун көлөмү соңку жылдардагы эң төмөнкү көрсөткүчкө жетти. Эгерде суу 6,5 млрд куб метрден төмөн түшсө, анда ГЭСте авариялык абал жаралат.
Кызыл-Омпол кенин бийлик толугу менен мамлекет иштетерин, ага жакын жайгашкан аймактарда өнүгүү болоруна убада берди. Жергиликтүү тургундар болсо экология маселесинен чочулашат. Мындан беш жыл мурун нааразылык чыккан Кызыл-Омполду иштетүү маселелеси бул жолу кандай өнүгүүдө?
Дагы жүктөңүз
